老三火鍋 (已結業)

今日約左個老友食生日飯，地點就決定係佢屋企附近啦，係佢強烈建議下，我地去左老三火鍋打個靚邊爐啦，去到個場都幾爆。望下個湯底先，其實都唔洗點揀，當然係選擇佢個招牌秘製老鴨鍋啦，我地兩個人就叫左半隻。好啦，湯到啦，飲啖湯先，啖湯非常香濃，而且就真係有鴨味，另外就重有d藥材，我地每人都飲左兩碗湯，另外就試下d鴨肉，完全唔係湯渣感覺，好滑，就連鴨胸都係，我相信係煲湯嘅鴨同食嘅鴨係分開黎煮呀！食完隻鴨之後就加湯打邊爐啦，首先係本港手切牛肉，我地兩個人就叫左個大嘅，牛肉好滑同埋好香牛味，大約過一過熱水8至10秒就最正，完全無根，基本上個牛就停唔到口。必食推介。跟住到水魷，感覺上同出面食嘅水魷係有好大分別，係好滑同埋彈牙，爽而不韌，同埋都真係幾有魷魚味。大蜆，係新鮮同埋無沙，隻隻都大大粒肉，新鮮。最後我地兩個男人食埋個皇帝菜就飽飽啦，不過建議如果加湯就加清水就可以啦，因為個湯會愈滾愈濃，最後會變咸，一定會再黎幫襯。