滿堂樂滬京風味 (已搬遷) 新店位置

紅磡真係好多老店, 呢間滿樂堂都係紅磡街坊既心水之選。就算過左午飯時間, 都總有街坊/ 學生/ 附近返工既人黎排隊。我叫左個豬扒麵+冬菇 ($35 + $7) 冬菇好厚肉, 啖啖肉, 而且帶有濃郁既香菇味。 炸豬扒係分開上, 仲好細心已經全部切件, 方便食用。 豬扒炸得好香脆, 醃得好入味, 肉質鬆軟而且帶有肉香, 果然係招牌菜。麵條採用幼身既麵條, 仲有少量白菜, 配上清湯一齊食剛好中和左炸豬扒既油膩感。凍豆漿 $7豆漿有少少甜, 帶有淡淡既黃豆香味, 唔錯。店舖雖然裝修老舊, 但人流依然絡繹不絕, 靠既就係食物原味道。紅磡明安街4號港鐵黃埔站 B 出口, 步行約5分鐘