炊豕店 (加路連山道) (已結業)

小店位於小街道之中，環境唔算好大，但小店勝在好有人情味❤️落單要自己填紙仔，配搭有好多，可以customize想要嘅野食。-人氣推介葱油豬扒🐖$64轉左撈粗麵👍🏻面頭毫不吝嗇嘅葱油切到幼細，葱同油比例完美啱啱好。人氣炸豬扒勁大塊，外皮炸到酥脆香口，咬落去又唔會滿口油膩感，炸得出色！咬開酥炸嘅外皮嘅入面係粉嫩嘅豬扒肉，仲有成2️⃣大塊！粗麵撈埋豉油同葱油都唔會乾身同夠哂味。沖繩豬軟骨🐷$64呢個轉左仲撈幼麵，豬軟骨🦴熬煮到軟稔，肉同骨比例剛好👍🏻尤其勁入味，骨膠原感滿滿，仲有菜🥬同白蘿蔔🥕，估唔到非主打都咁出色。