奧壽司

營業中

休息中

朋友升職~話公司附近有間日本野好正所以請我地去食~有人請梗係要去啦!地點係數碼港商場入面，好大個門面都幾易搵~睇下menu，好多選擇~但因為朋友請就由佢發板~牛油果軟殼蟹卷、三文魚壽司、鵝肝壽司壽司叫左三款~我覺得牛油果軟殼蟹卷最出色，牛油果夠軟林，軟殼蟹份量夠多，有咬口唔會淨係食到壽司飯~,而三文魚壽司味道正正常常唔算好特別，但鵝肝壽司做到入口即溶既效果，成舊擺入口係成個口腔都充滿鵝肝味~香到唔想講野住!燒年糕、餃子雞翼、花竹蝦天婦羅年糕燒得乾身，入面係芝士，一咬就有完美拉絲效果!鍾意食芝士既煙韌控一定喜歡!餃子雞翼脹卜卜，咬落去肉味夠濃又juicy，唔錯!蝦天婦羅似係即炸，非常熱又唔會油林林，蝦夠爽，唔錯!蔥吞拿魚腩吐司蔥吞拿魚腩吐司好特別，有三塊被牛油烘過既法包同蔥吞拿魚腩伴住，吞拿魚腩新鮮肥美，法包充滿牛油香，加埋一齊食味道好特別!第二度唔係咁易有得食!帶子蟹膏炒飯、雲丹蟹粥全晚最讚我覺得係呢個帶子蟹膏炒飯同雲丹蟹粥~炒飯非常濃味，蟹膏雖然唔多但已經足夠令成個飯好有蟹膏味，帶子鮮甜彈牙，炒飯粒粒分明又乾身~高質!而雲丹蟹粥係最等得耐既一道菜，食一啖就知點解要等咁耐，因為蟹既鮮味