囍宴 東‧丰 (已結業)

突發的約朋友的 lunch，本來想食點止冰冰，因為落雨，真係好大雨，為了近朋友 office，就來了這裡。魚湯泡飯朋友點的，佢次次都係食呢個。魚湯香而且濃郁，米飯沒有浸泡至很軟，湯料算是豐富，再選擇的話，還可以一吃。馬來白咖哩吉列魚柳魚柳是大家樂美心之流的快餐質素，白咖哩算香和滑應該是椰汁的原故，白飯是晶瑩灑了些白芝麻不算是很有口感但不算壞。總體是合格，但這個價格是否合適則見仁見智。餐是連老火靚湯，催了幾次伙計都說「知啦知啦」，卒之飯都食完汁都撈埋再催先有。賣相和口感都可以媲美中學 canteen的例湯，一點都不老火也不靚。手搓黃金湯圓又是個伏。午餐時間叫甜品只係可以響自己放假加埋同老闆朋友食飯先至可以。因為大家都唔趕時間。經常講的一句：唔諗住供應既野就唔好放響餐牌。放得出黎就預左會有人叫。後來大家都吹水吹得好開心，唔記得等左幾耐。湯圓沒有很彈牙的口感，個黃金餡又無乜味。其實上次有另一班友人請我來食過一次晚飯已經說過以後都不要來。又唔記得左。