健康工房

營業中

休息中

響中環站一出就見到，係順手買個早餐番公司既好選擇。佢早餐有啲蒸包，又有竹葉飯等等可以買。我今次就試左三菇牛蒡素飽。佢會用一個紙袋仔放住，而個包係好熱手的！所以問題就黎喇。個包拎到番公司會有少少水氣。未去到話好濕，不過唔係最好既狀態！打開袋望落去一片白色，賣相唔算太靚。不過其實就真係幾好味既！個包熱辣辣，亦都好軟身好好味，饅頭迷會鍾意。入面既餸略嫌醬汁太勁，無乜鮮味。不過唔知係牛蒡定咩，有少少爽爽地既口感，唔錯。簡單方便早餐。如果可以走醬會健康好多。唯一最忟係店內指示唔清晰。大家唔知排邊，而企錯個呀姐都幾大聲話大家。