影片
更多
2013-05-11
114 瀏覽
第一篇食評決定一定要寫俾阿利水!! 話說同朋友聚餐決定食我最愛的韓國菜，其實已經上Open Rice睇了好幾間，知道其實尖沙咀有好幾間都是很正宗的韓國料理但服務質素較低，所以為左今次飯局能食得開心又滿足，決定揀頗有人氣阿利水試一試！事不宜遲入正題！兩日前有致電去訂位但已經full booking了..所以決定walk in碰運氣，我們一行三人大約 6點9到達，門口有一位好nice著suit的女仔話比我地聽可以係升降機位側邊開枱俾我地，但我地想坐係入面，所以唔太想..個女仔見我地咁想食，就話俾我地知如果booking時間過左10分鐘都未黎會自動cancel，所以叫我地等多一陣。而個女仔亦好幫手試下幫我地打俾訂左位的客睇下係咪cancel唔黎，終於守得雲開見月明，有人cancel booking，所以我地有位坐啦！（所以大家下次留意book位只會幫你hold枱10分鐘，但如果你趕唔切打去同佢講，佢都會幫你hold多陣）入到去之後，個女仔話俾我地聽寶藍色衫的就韓國人，女仔就識講普通話，另外兩個男仔可以講英文。環境好唔錯，亦真係唔少韓國人係度食飯架！其實我一早已經揀好左食咩，所以好快就落晒單，
話說同朋友聚餐決定食我最愛的韓國菜，
其實已經上Open Rice睇了好幾間，
知道其實尖沙咀有好幾間都是很正宗的韓國料理但服務質素較低，
所以為左今次飯局能食得開心又滿足，決定揀頗有人氣阿利水試一試！
事不宜遲入正題！
兩日前有致電去訂位但已經full booking了..
所以決定walk in碰運氣，我們一行三人大約 6點9到達，
門口有一位好nice著suit的女仔話比我地聽可以係升降機位側邊開枱俾我地，
但我地想坐係入面，所以唔太想..
個女仔見我地咁想食，就話俾我地知如果booking時間過左10分鐘都未黎會自動cancel，
所以叫我地等多一陣。
而個女仔亦好幫手試下幫我地打俾訂左位的客睇下係咪cancel唔黎，
終於守得雲開見月明，有人cancel booking，所以我地有位坐啦！
（所以大家下次留意book位只會幫你hold枱10分鐘，但如果你趕唔切打去同佢講，佢都會幫你hold多陣）
入到去之後，個女仔話俾我地聽寶藍色衫的就韓國人，
女仔就識講普通話，另外兩個男仔可以講英文。
環境好唔錯，亦真係唔少韓國人係度食飯架！
其實我一早已經揀好左食咩，所以好快就落晒單，
服務員每個都好有禮貌好Nice。
而著Suit果個女仔(帶位? 收銀?)亦落手落腳招呼客人，幫我地燒烤同上菜，服務真係唔錯架！
一黎到就係８小碟，（淨係影左我面前果4碟）
個泡菜真係好似韓國果ｄ咁好入味好好食架！
有個甜番薯都係我幾推薦， 前菜而言已經不過不失了！
我地今次全部都係散叫，叫左１份五花肉＆１份羊肉＆１份疏菜 （想食疏菜包），另外叫左不可不試的石鍋拌飯同海鮮炒辣年糕！
每個菜外觀都好吸引，個韓國哥哥幫我地燒五花肉的時候，仲話我地聽五花肉只可以反一次，咁先好食！
不過我地冇理到Ｄ五花肉所以差Ｄ燶左．．
辣年糕同石鍋拌飯係我既推薦！（拌飯因為店員幫我地整埋所以冇影相）辣年糕十分惹味，唔太辣而且帶甜味，會愈食愈上癮！
而且海鮮份量都唔會少的！
拌飯服務員會幫你加少少辣醬幫你拌埋，（驚你辣親手），落左會惹味啲而且唔辣的！
整體黎講餐飯食得好舒服，雖然係Friday Night (比較忙同多客）
但每樣食品服務員都會堅持幫你整好左先走，服務比我想像中更好！
差在未喂你食架咋！所以好適合懶人！！
下次一定會再去食過！讚好讚好！
張貼
