1仔冰室 (已結業)

之前經過1仔冰室都未有機會試，今次lunch就試吓佢嘅快靚正午餐。冰室座位算多所以一點幾去到都唔洗點等，快靚正午餐仲包熱飲同中/西湯，十分經濟實惠。廚房好有效率，唔洗五分鐘已經出到order。同事order左馬來咖哩牛肉飯，馬來咖哩比較辣同帶D酸，牛肉就用冰鮮肥牛，好大一盤比你撈飯。 另外我order左沙茶薯仔燜滑雞飯，雞同薯仔比例適中，沙茶醬好惹味，如果再比多DD醬撈飯就好啦。Overall都好okay，係價錢合理又快嘅唔錯選擇。