影片
更多
2016-11-28
677 瀏覽
近來日式海鮮丼大hit，不過豐州、山貴等等都要大排長龍，唔想排隊，都可以試試哲平。佢一定冇以上兩間的規模，鋪仔細細，我去的時候天氣仲好熱，冷氣又弱，高櫈都只有十張左右，唔會坐得舒服，但起碼唔駛排隊，價錢唔貴。其實佢都係過江龍，唔係日本，係新加坡，不過都係日本人主理嘅。呢度走快餐路線，自己去cashier點菜畀錢，跟住整好就會拎畀你。餐具係用完即棄膠兜，日本味欠奉，又唔環保，不過快餐係咁架喇。佢主打幾款醬油海鮮丼，另外有滑蛋豬扒飯、咖喱飯等等。九州醬油海鮮丼（$80）有三文魚、吞拿魚、螺肉，全部係角切而唔係常見的一片片，仲以醬油醃過，有咬口得來好夠味，日本米飯都煮得好煙韌，不過醋就落多左少少，酸味都幾重。九州醬油帆立貝特盛（$90）基本上同海鮮丼差唔多，只係多左4片帆立貝，肉唔算厚，但味道好鮮甜，喜歡帆立貝的話不妨加多$10叫呢個。值得去指數：👍🏻👍🏻👍🏻
佢一定冇以上兩間的規模，鋪仔細細，我去的時候天氣仲好熱，冷氣又弱，高櫈都只有十張左右，唔會坐得舒服，但起碼唔駛排隊，價錢唔貴。
其實佢都係過江龍，唔係日本，係新加坡，不過都係日本人主理嘅。呢度走快餐路線，自己去cashier點菜畀錢，跟住整好就會拎畀你。餐具係用完即棄膠兜，日本味欠奉，又唔環保，不過快餐係咁架喇。
佢主打幾款醬油海鮮丼，另外有滑蛋豬扒飯、咖喱飯等等。九州醬油海鮮丼（$80）有三文魚、吞拿魚、螺肉，全部係角切而唔係常見的一片片，仲以醬油醃過，有咬口得來好夠味，日本米飯都煮得好煙韌，不過醋就落多左少少，酸味都幾重。
九州醬油帆立貝特盛（$90）基本上同海鮮丼差唔多，只係多左4片帆立貝，肉唔算厚，但味道好鮮甜，喜歡帆立貝的話不妨加多$10叫呢個。
值得去指數：👍🏻👍🏻👍🏻
張貼
