十二味麻辣小當家 (已結業)

去開銅鑼灣行街，行到肚餓，緊係去醫下肚啦，其實都行到好夜，一行兩個女仔，我地都想拿拿林食飽返屋企休息，所以揀左呢間十二味麻辣小當家。呢間餐廳係食麻辣燙，有辣有唔辣，即係揀好哂打邊爐既配料，然後燙好左，之後一碗端出黎。我地揀左唔辣既香鍋，加左安格斯肥牛、牛柏葉、生菜、木耳、竽絲，再配埋薯粉，個湯底好滑郁，而且熱辣辣，食到尾個湯底都仲夠熱，肥牛好有牛肉味，脂肪夠，唔會太熟，所以都幾滑；牛柏葉夠哂爽口彈牙；生菜都好新鮮；木耳都非常爽口；薯粉好正，又彈牙，好QQ，好有咬口；加少少餐廳秘製辣椒油，好香好香既麻辣味，而且辣度自己調䡔，啱哂怕太辣，又想試下既人。第一次食熨，不過好正，因為味道同打邊爐分別不大，但可以速食，價錢也很划算，又便又快捷又好食，非呢十二味莫屬也！