FUMI

營業中

休息中

周圍搵大閘蟹嘅菜式，今日就揀咗呢一間位於蘭桂坊嘅樓上居酒屋👍🏻和風蟹語六道菜盛宴：精選高級壽司、創意開胃菜、大閘蟹蟹粉茶碗蒸、蟹粉冰見烏冬，鹽麹乳鴿、北海道牛奶布甸✨乾坤蕃茄脹卜卜嘅蕃茄內有乾坤，包住多款嘅刺身粒粒，蕃茄食落去清甜多汁，更因梅子汁而令內外都帶有鹹身感，非常非常開胃，有驚喜！✨鹽麴乳鴿真係令人一試難忘，由發酵米製成的調味料，味道溫和甜美，乳鴿嘅肉質嫩滑多汁；絕對係有別於平時食乳鴿嘅風味！✨壽司分別有先吞拿魚中腩、深海池魚、北海道帆立貝同甜蝦。當然喺食蟹嘅同事不能夠忘記佢都係一間日式嘅餐廳，當然要試一試佢嘅壽司同埋刺身！三個字，好新鮮，而且切得非常之厚身。✨大閘蟹蟹粉茶碗蒸 蟹香已經率先飄入鼻哥窿，廚師細心將鮮拆肉蟹、蟹黃及蟹膏混合並炒熟，將蟹粉嘅甘香發揮得淋漓盡致，搭配日式蒸水蛋，滑不溜口。✨蟹粉冰見烏冬幼身烏冬口感煙靭有口感，面頭鋪上滿滿嘅蟹籽粒粒。旁邊擺有蟹黃、蟹肉絲，均勻地攪拌一下即可品嚐到啖啖蟹嘅風味！✨北海道牛奶布甸入口絲滑細膩，唔會太甜，確係完美的結尾。