鳳城酒家 (干諾道西) (已結業)

又係辛苦返完通宵更啦，梗係要慰勞一下自己啦，今次拉埋同事一齊去上另外一間懷舊嘅酒家，就係鳳城酒家啦！我哋兩個人叫咗七樣嘢食，都唔算等得太耐，好快就一次過上晒啲野食，又可以同一時間試晒咁多樣野點心..... 我地邊食邊傾偈，原來發覺我哋叫嘅點心，大部份嘅都有蝦，有鮮蝦菜苗餃，布拉腸粉，百花釀西蘭花，上素蒸粉果，鳳爪，三色炸件（春卷，明蝦角，腐皮卷），仲有一樣就係懷舊嘅鳳城水餃....總括嚟講樣樣都唔錯下次可以再拉埋同事一齊去試埋其他懷舊食品