華昌粥麵燒腊飯店 (已改名) 查看

前幾日外賣個叉燒飯，啲叉燒肥到離晒譜，連一個對食物冇要求嘅小朋友，都話肥到食唔到，跟住佢淨係食啲白飯。隔咗幾日叫其他外賣，同個收銀溫馨提示上次叉燒太肥啦，佢話肥叉係貴嘢，我話肥都食唔到喎，佢冇理我。其實啲嘢食收得咁貴，客人越來越少，可以加把勁專心做好啲。最近前前後後有叫過小菜，同埋乾炒豬扒公仔麵等，都越嚟越難食（我係幫襯咗10年嘅老街坊）。對食物冇要求，或者失去味覺嘅，可以繼續去。個人覺得大家樂好食過佢及性價比高好多。