台北巷弄 (已結業)

疫情嚴重，又懶得煮飯，放工都係買外賣返屋企食！今晚就揀咗將軍澳廣場呢間台灣野 😝晚餐主要係賣幾款台式便當，有滷肉、雞翼、台式排骨、鹽酥雞扒等等，價錢由$50-70。🔸鹽酥雞扒便當🍱揀咗鹽酥雞扒便當，便當非常豐富，附有滷肉、溏心蛋、配菜同湯。滷肉半肥瘦，撈飯食好食，一人份量啱啱好，仲有隻溏心蛋好入味！雞扒香脆嫩滑，配菜開胃，特別要讚粒蕃茄，非常甜！便當送埋湯，本身就無乜期望，但反而有啲驚喜，賣相雖然普普通通，但飲落仲有蟲草花。成個Set都跟足台灣，有誠意！🔸 花枝丸$13可以加半份小食，可以有甜不辣、醬油雞翼或花枝丸揀一款，揀左花枝丸，非常有咬口。半份嘅份量得兩粒，不過都夠食。🔸仙草凍奶茶跟餐飲品正價減$10，$10有一杯仙茶凍奶茶，唔算好甜，幾抵飲。