尚八日式燒肉店 (已結業)

最近天氣凍左咁多，突然真係好想去食燒肉！收工近近地，決定落旺角搵好嘢食😋呢間尚八之前講咗好耐話想試，今日雖然係平日，但都幾多人捧場喎！去到店員同我地介紹有分A4和牛同安格斯牛2款放題，平時無幾何會食燒肉，一食就梗係要食好啲嗰隻啦😼今次一於就揀咗貴啲嗰隻A4和牛放題，每位$438再加一！店員首先俾咗本Menu我哋睇，但落單係自己用手機落嘅📱好方便呀！一開始唔需要點牛住，因為佢哋會送上一盤和牛拼盤，等你可以每款牛都試一試，之後就可以嗌自己最鍾意食部位！🐂另外，2人或以上都會送刺身拼盤，食材好新鮮！尤其係海膽，超級鮮甜👍🏻開始燒和牛，其實好多都切得好薄身，真係要因住時間，可能某啲部位燒十靚秒就已經要反轉，我自己就特別鍾意和牛三角同埋和牛前肩呢兩個部位，因為覺得呢兩款油脂分布得非常均勻，食落肥而不膩！肉香幼嫩🤤超滿足！當然不停食肉好快會食濟，所以我哋都叫返啲開胃冷盤小食，個和風蕃茄沙律同埋胡麻豆腐都好清新！野菜燒物同樣非常出色，尤其係個日本甜番薯🍠加咗啲蒜蓉汁提味，味道更上一層次👍🏻細細粒！一啖一粒，甜甜地！勁好食🥰海鮮類，可能本身食材新鮮，就算真係完全唔加任何調味料，岩岩燒起熱辣辣已經好出色