篤篤車 (已結業)

超值套餐x2 （三餸麵 +小吃+菜 $81）三餸麵(咖哩湯小辣，響鈴，xx，xx）咖喱湯三餸麵咖喱湯底有大中小辣，我就叫左小辣，大概係譚仔三小嘅程度，對我黎講啱啱好，咖喱魚蛋口感彈牙，牛腩亦滷到好入味，唔會韌。麵就揀左河粉，河粉唔會好似坊間煮到過爛，擺左陣都仲係keep到爽口彈牙，更加上河粉容易掛湯，加埋濃郁惹味咖喱湯底，真係食到停唔到口泰國鱷魚湯三餸麵另一碗試左篤篤車嘅招牌湯底鱷魚湯，第一次聽到鱷魚湯都以為會有腥味，或者會比佢嚇怕左，點知我同朋友飲落都覺得好高質，佢好似更加順口嘅濃郁豬骨湯，又比豬骨湯多少少鮮味，值得一試，三餸揀左牛肚響鈴牛丸，發現呢間鋪食牛都唔會伏，牛肚真係超入味超軟，啊婆都食到。其他配菜不過不失。小食炸春捲（跟餐）春捲麵衣厚薄啱啱好，唔會硬，仲要新鮮炸起，外皮超級酥脆炸魚皮（跟餐）魚皮唔係擺耐左變硬個種，keep住都係超級脆，同埋厚薄啱啱好，無論沾湯食定係直接食都好jeng炸蝦餅（+$8 一件）加$8真係唔貴，仲要蝦餅仲食到蝦味，外層酥脆好吃馬拉盞介蘭介蘭抄得爽口惹味，跟超值套餐多一個菜超值腐乳唐生菜我同朋友都鐘意食唐生菜🥬，加埋腐乳炒冇得輸，接近大排檔水準