一起食堂 (軒尼詩道)

營業中

休息中

係灣仔區食野都好似愈黎愈貴咁，呢間灣仔性價比高嘅台灣餐廳，d野大份好似食極都仲有咁餐廳環境幾舒適，氣氛有種親切感，坐得都幾舒服。燙青菜 $30黃金芋泥球 (4粒) $42 小食都唔錯，叫左個芋泥球，即時炸起出黎。咬落去個外皮勁脆身，好多芋泥個味道好香。入面有鹹蛋黃醬流出黎，成粒波波食落唔會好膩，係幾特別。紅燒三寶牛肉麵 $102 三寶係有牛腱牛丸同牛肋條，個湯睇落唔多油所以都幾岩飲下。牛高湯嘅湯頭，蕃茄嘅香味幾濃，微微嘅辣香更加開胃。麵身係手工烏冬，食落彈牙。配菜有蘿蔔同青菜，不過白蘿蔔有根就比較可惜，希望下次會改善下啦。濃豆乳雞烏龍麵 $89豆乳湯底幾香濃幾清香嘅豆香味，好似飲緊豆漿咁，飲落幾舒服。雞件捲左一舊舊，食落嫩滑，應該似係慢煮出黎所以先可以咁嫩，而且做成雞卷咬落更加有口感。珍珠奶茶 +$14 芋圓仙草凍(迷你) +$14杯珍奶d珍珠幾好食幾煙韌，不過建議大家飲唔慣茶底濃的話可以選擇半糖可能會好d。另外個仙草凍唔算迷你，好多3色芋圓係入面，加左d花奶一齊食，滿足左我想食甜品嘅胃慾。