一休(居食屋)日本料理 (長發廣場) (已結業)

嚟咗青衣呢間日本餐廳食，晚飯時間餐廳好多人，所以要搭枱。我哋叫咗二人餐，價錢好抵$198，可以揀兩個主食、三款小食、兩杯嘢飲主食我哋揀咗兩個叉燒拉麵有4塊叉燒，叉燒係半肥瘦，燒到有少少脆邊，好香！仲有隻鹵蛋，拉麵個湯底有好香濃豬骨味！小食揀咗珍寶蝦刺身、鹽燒雞翼、日式餃子珍寶蝦刺身好大隻呀，好新鮮、勁多蝦膏鹽燒雞翼有三隻，鹽味啱啱好、唔會太咸日式餃子就冇乜特別，正常餃子味呢間日式餐廳真係好抵食，唔好睇佢價錢咁平，原來食物質素都好好㗎 ！會繼續幫襯！