七月餐室 (已結業)

響公司附近原來好多餐廳星期日都唔開門，上星期日要返工lunch時見到一間新餐廳”July Cuisine”有開，餐廳裝修靚，價錢平民化，於是同同事午餐，食物有質素，應該會成為我地既飯堂👍🏻✨七月常餐$58常餐有幾款選擇，日式燒豬頸肉撈公仔麵十分好味，炒滑蛋非常滑溜，而蒜茸牛油多士充滿蒜茸醬，加埋牛油既厚多士香脆好味。😋🥚沙爹牛肉炒河$58食物既份量夠晒大，牛肉軟滑有咬口，炒河每條分明，唔會痴住，沙爹汁唔辣，啱曬唔食得辣既口味。🍝👏🏻雞扒滑蛋蓋飯$56大大塊雞扒煎得皮脆肉嫩，配鰻魚汁十分好味，滑蛋帶點流質，十分滑溜。🍳🐔馬來咖哩喇沙香茅豬扒湯米粉$52尼款馬來咖哩喇沙未食已經香味撲鼻，香濃既湯汁辣度適中，米粉沾上湯汁超讚，而且厚切香茅茅扒十分足料，啖啖肉好好味，豬扒軟冧得離有咬口，絕對推介。👍🏻🐽🍜