廿一堂

營業中

休息中

小胖友話想去試下呢個日式新店就約小胖去食，佢的選擇都幾多，有飯，烏冬，一人小火鍋，小胖一行三人分別叫了鰻魚飯，咖喱飯配炸雞，鐵板角切和牛配溫泉蛋飯。佢的鰻魚都還算大條，魚身厚薄適中，鰻魚汁亦不錯，唔會過鹹或甜，佢的飯係用日本米煮，飯身都頗為軟熟煙韌，但香味略嫌不足。咖哩係日式甜咖哩，不過唔會太甜，咖哩內的蔬菜配料好少，少到接近無。佢的炸雞好大件和份量頗多，而炸粉唔多，唔會過厚，雞肉亦唔會炸得過乾，咬落還有肉汁，不錯👌鐵板角切和牛的肉質還可，有點韌，肉粒份量都算多，不過肉汁好鹹下，佢飯上面的紫菜頗多，溫泉蛋亦算流心，不錯👌小胖還額外點了小食，薯餅和雞肉丸，兩個的味道還可，但沒有特別推介。佢的店內空間頗大，位置亦算舒適，佢的食物味道質素其實還可，不錯食，但飯的份量唔多，如果係女仔份量都還可，大食小小都有機會唔飽，男士就應該大多唔會食得飽。丼飯來說，佢的價錢算係中上偏貴，但小胖覺得佢的食物質素和份量不是很符合呢個價位，小胖呢餐，人均一百，但都唔係食得好飽和感覺很不值，嘗鮮可以。