沙田一至尊燒鵝·生滾粥品專門店 (已結業)

午飯時間，人多正常，但員工姐姐加檯加到走廊坐滿，坐走廊既出入必定俾人撞到停低手，要求人調位係直接食緊時拎你碗飯走，俾錢多謝都冇聲，仲要50蚊碗飯愈來愈少。雙拼飯餸既份量同單拼一樣，飯較正常少，叉燒好食，瘦而不鞋，燒腩仔亦香脆但非常小粒，乳豬飯得塊皮，下面塊肉欠奉。除左叉燒飯外，觀其他食客應該燒鵝亦不錯。粥品味道正常，但40蚊一碗實在不值，雖然石門區冇其他粥店選擇。服務差，價錢貴，相同價位附近大量餐廳選擇，完全不會再幫襯。