利是豐

營業中

休息中

前排大食妹同同事去左附近嘅利是豐車仔麵食晏雖然係叫車仔麵, 但餐牌裏面竟然冇車仔麵<蕃茄咖哩汁燴肥牛飯>大食妹嗌咗份蕃茄咖喱汁燴肥牛飯蕃茄咖喱汁夠酸, 非常開胃而且加入左洋蔥, 食落酸酸甜甜, 配搭肥牛, 好下飯隔離仲有新鮮生菜, 均衡營養<利是豐早餐>同事就食咗份肥仔早餐-招牌利是豐早餐, 雖然烹調時間比較長, 嘢食都唔係好熱, 但款式都幾多而且用木盒上, 超有儀式感<蜜桃煙鴨胸焗飯>仲有一位同事就嗌咗份蜜桃煙鴨胸焗飯個樣睇落去就麻麻啦, 同事都話一般<海鹽焦糖咖啡>因為見到好得意, 大食妹就嗌咗呢杯海鹽焦糖咖啡海鹽焦糖咖啡味道偏甜, 而且冇乜咖啡味, 大食妹覺得可以唔使嗌