緣聚鮮鍋 (已結業)

自助餐整體嘅環境唔錯，地方闊落，食物選擇好多，有甜品區、熟食區、火鍋配料區、日式食品區、花茶區、飲品區、雪糕區，整體嘅質素唔錯，以呢個價錢來講性價比好高。火鍋配料除咗可以自己拎之外，仲有1小時可以用手機app落單，用手機落單嘅食物普遍都係高質啲，好似蠔扇貝、牛腱肉等等，但係唔會拖單，出菜好快，服務唔錯。本身對熟食區冇乜期待，但發現食物水準幾好，特別係係嗰個廚師推介嘅牛柳粒好好味，肉質嫩滑，好香蒜味，係一個驚喜。日式食品區有一個攞刺身嘅位置，放題價錢連刺身會比一般收費嘅貴，但係刺身尚算新鮮，雖然種類唔算特別多，但係都食到好滿足。