牛魔一人燒肉

營業中

休息中

最近開咗好多間一人燒肉，可以唔使約朋友就可以食到燒肉，而且價錢好平，所以最近都成日食。朋友介紹呢間牛魔又平又抵食，咁就一於嚟試吓啦。一嚟到見到呢度環境幾好，除咗位置好坐之外，抽風系統都做得好好。今日同朋友嚟到，就打算一人嗌一個餐啦。我就揀咗呢個有牛舌都有牛五花嘅餐。一上台估唔到牛肉油咁多，另外我仲揀咗烏冬。個烏冬雖然唔係好大，但係一上枱已經聞到佢嘅豬骨湯味好香，而且食落烏冬好好食，比出面食烏冬嘅專門店更加好食。而朋友就揀咗和牛餐，和牛一上枱睇落已經好靚，牛肉非常大塊。我試咗佢一塊 ，牛既牛味好重，估唔到咁平價錢都可以食到咁好嘅牛肉。另外朋友仲加錢揀咗紫菜蛋飯，食物真係好好食，半熟蛋加上燒肉汁配白飯，真係好開胃。每一個餐都會有沙律同埋麵豉湯，食落完全唔馬虎。咁平嘅價錢可以食到咁高質嘅牛肉，以後都會再嚟啊。而且呢啲一人燒肉好適合自己一個嚟食，兩餸飯嘅價錢就食到咁好食嘅燒肉，下次點都會再嚟食呀。