影片
更多
2022-04-23
519 瀏覽
🌟🌟🌟🌟🌟🌟🌟🌟🌟🌟🌟🌟🌟🌟🍽 鮨境 (銅鑼灣)📍銅鑼灣駱克道459-461號THE L SQUARE 20樓🌟🌟🌟🌟🌟🌟🌟🌟🌟🌟🌟🌟🌟🌟眾所周知我非常之鍾意食廚師發板，之前朋友向我推薦左呢一間佢食過話幾好食，所以就去試吓🥰位於銅鑼灣L square，呢一幢嘢都有唔少美食呢😆既然係朋友推薦得，唔使諗啦，一定係嗌最貴嘅嗰個套餐，應該都唔會驚有伏🤪營 Ei HKD1380前菜 • 刺身7款•季節料理1款 •壽司貫 • 湯 •甜品我認為呢個 set都算抵食$1400唔使就有7款sashimi仲有埋季節料理，而出面其他廚師發板未必可以食到平係冇用嘅，質素係點樣先至係最重要😏頭盤嘅日本南瓜煮、海哲、小女子已經令我好期待後面，因為食材處理得好好，有突出到原本食材嘅新鮮，小女子我之前食過幾次，係一款好似梭子魚仔咁嘅嘢，師傅同我講返佢嘅學名其實係玉筋魚呢！北海道毛蟹嚟自北海道嘅毛蟹非常矜貴，新鮮到極致，食落去每一啖肉都係好滿足。活赤貝去到上枱果一刻都見到活赤貝微微收縮，趁機放入口，用那一咬，就食到佢極為爽蛋嘅口感，配上鮮甜貝汁，令人回味😋縞池魚有睇我文章嘅讀者，應該都知道我係深海池魚王嘅忠實擁躉，縞鰺
🍽 鮨境 (銅鑼灣)
📍銅鑼灣駱克道459-461號THE L SQUARE 20樓
🌟🌟🌟🌟🌟🌟🌟🌟🌟🌟🌟🌟🌟🌟
眾所周知我非常之鍾意食廚師發板，之前朋友向我推薦左呢一間佢食過話幾好食，所以就去試吓🥰
位於銅鑼灣L square，呢一幢嘢都有唔少美食呢😆
既然係朋友推薦得，唔使諗啦，一定係嗌最貴嘅嗰個套餐，應該都唔會驚有伏🤪
營 Ei HKD1380
前菜 • 刺身7款•季節料理1款 •壽司貫 • 湯 •甜品
我認為呢個 set都算抵食$1400唔使就有7款sashimi仲有埋季節料理，而出面其他廚師發板未必可以食到
平係冇用嘅，質素係點樣先至係最重要😏
頭盤嘅日本南瓜煮、海哲、小女子已經令我好期待後面，因為食材處理得好好，有突出到原本食材嘅新鮮，小女子我之前食過幾次，係一款好似梭子魚仔咁嘅嘢，師傅同我講返佢嘅學名其實係玉筋魚呢！
北海道毛蟹
嚟自北海道嘅毛蟹非常矜貴，新鮮到極致，食落去每一啖肉都係好滿足。
活赤貝
去到上枱果一刻都見到活赤貝微微收縮，趁機放入口，用那一咬，就食到佢極為爽蛋嘅口感，配上鮮甜貝汁，令人回味😋
縞池魚
有睇我文章嘅讀者，應該都知道我係深海池魚王嘅忠實擁躉，縞鰺嘅鮮美唔親自食過嘅人係唔會知道有幾咁令人陶醉。
水八爪
雖然簡單，配上少少醬汁，就係完美。
梭子魚
上面有提及過梭子魚仔，估唔到之後就可以食到呢！梭子魚肉油分極少，但魚皮卻油脂豐富，當然要配上隻燒嘅烹調方法啦，配上少許香蔥同埋姜蓉，又係令我忍唔住閉眼低嘆。
吞拿魚腩
大拖羅以紫蘇花作為點綴，美觀得來食落去魚油味道同花香互相結合，編織出一段美妙嘅樂章。
季節料理係燒鰤魚鮫，稍微來一啲熱食，澆上青檸汁，可以清一清口腔，迎接嚟緊嘅壽司環節😍
地金目鯛
鮮甜肥美，炙燒過油脂味更加香！
北海道帆立貝
肉質結實彈牙，帆立貝鮮甜嘅餘韻喺口入邊久久不散🥰
鰆魚
呢款魚我覺得味道係會比較獨特，魚皮的部分先燒，再浸冰水降溫，有一種細膩滑溜嘅口感。
酢鯖魚
食材處理得唔錯，食落去酸味都係平均嘅。
赤身
有時食得太多大拖羅，都會懷念返赤身種魚味😆整得好+靚嘅赤身都好無敵呢！！
赤鯥魚
入口即化，非常嫩滑，帶點焦香🧡
大呑拿魚腩
切紋十分之靚仔嘅大toro呢🥰🥰不多解釋，就係上天堂嘅感覺😋
海膽伴三文魚籽
兩樣極為鮮甜多汁嘅食材唔好撞埋一齊之餘，仲令到口感層次更加豐富，不得不提係，海膽真係入口即溶，每一啖都係幸福🥰
太飽嘅關係後面嘅湯同埋甜品都冇好好咁樣品嚐同埋影相，整體嘅體驗都好良好，師傅亦都會好有禮貌好有耐性，食材質素同埋配搭都好得宜，總括來講性價比都算唔錯，朋友冇推介錯😜
✨如果喜歡我的文章，可以關注我及讚好以作鼓勵喔✨
張貼
