囍筷 (已結業)

行過見到呢間台式外賣店，見到餐牌又唔貴wor就試下啦！餐廳主要係做外賣便當，一到中午12點就好多學生同附近打工仔幫襯！雖然好忙，但店員態度都好好，值得一讚！呢次叫左招牌滷肉飯便當($56 )同紅燒牛肉便當($62)兩個份量都超多，同埋真係好好味。我係食滷肉飯，肥瘦岩岩好，而且個滷肉汁夠多，餸飯一流！個便當仲有豆腐、茄子、白菜同蛋🍆🥚🥬，真係好夠份量🙈，仲有跟餐會有紙包飲品，加錢可以轉珍珠奶茶同其他特飲🥤。本來對珍珠奶茶無咩期望，但飲落又幾香滑，珍珠夠腍，因為我個人喜好鍾意腍d珍珠，正！呢個價錢，呢個質素，如果我係附近返工會日日去食！