Golem Craft Beer (已結業)

今日又黎到石門呢邊食午餐，搵搵下就搵到呢一間餐廳。依間係一間酒吧餐廳🍸 中間有一串串既吊燈，氣氛十足！特色裝潢，樓底高，無論同朋友傾計飲野，還是同另一伴浪漫午餐，都非常合適.餐牌上有不同既西餐選擇，午餐黎講, 價錢都係約90蚊，包餐湯/沙律，同埋普通野飲一杯，我地最尾選擇咗蒜香帶子墨汁意粉，同埋 蕃茄羅勒水牛芝士薄餅。▧ 沙律▧ 蒜香帶子墨汁意粉味道不錯，蒜香味道突出，但要小心儀容，因為墨汁關係，嘴唇舌頭係絕對會染上黑色。配料帶子算多，帶幾條椒絲點椒。▧ 蕃茄羅勒水牛芝士薄餅餅底脆薄，超 級 多 芝士！！多到可以拉到絲，配料有滿滿既洋蔥椒絲及蕃茄，味道夠濃味，上面灑上幾塊羅勒葉，佢地既羅勒葉焗得變成脆片，脆到有點似平時吃既小食紫菜。▧ 整體來說，環境舒服，唔趕時間又想同朋友chill一chill，吃上一頓優質的午餐，這裡算是一個很好的選擇。