影片
更多
2024-02-21
49 瀏覽
呢間西餐廳認真唔錯！餐廳氣氛同環境都唔錯，唔會太暗仲好有格調，想打卡或者同食物影相仲有盞燈幫你打燈添💡💡再講食物，個黑松露野菌湯好濃黑松露味，濃稠度適中，唔會太稀同太杰撻撻。蒜蓉包上面既牛油仲有蒜蓉粒，麵包都唔會太過硬 。至於前菜軟殼蟹漢堡，軟殼蟹好大嚿，啲炸粉唔會太厚，但係超多肉 必食！ 跟住到主菜，因為我哋嗌二人餐，所以有啤酒羊膝同埋紅酒牛肉加墨魚意大利飯 羊膝好腍，一切就骨肉分離又唔會好霉，有好香嘅羊味。另外跟住上嗰個薯蓉係番薯加薯仔，好唔錯嘅配搭！佢墨汁飯好creamy，超重墨汁味，好重芝士味，個汁睇落超級黑🤭，個飯入面有菇，洋蔥等等，個肉都好腍，唔使用刀切都得朱古力香蕉奶昔兩種材料好平衡，唔會比朱古力味搶晒，士多啤梨藍莓奶昔都一樣好fresh，但我呢啲重口味人士會想佢再傑啲（？）最後我哋另外叫咗心太軟配雲呢拿雪糕，講到明chocolate lava cake 唔lava 點得？佢就完全做到啦👍雲呢拿雪糕完美同朱古力配搭！總括嚟講，超級推薦！
餐廳氣氛同環境都唔錯，唔會太暗仲好有格調，想打卡或者同食物影相仲有盞燈幫你打燈添💡💡
再講食物，個黑松露野菌湯好濃黑松露味，濃稠度適中，唔會太稀同太杰撻撻。蒜蓉包上面既牛油仲有蒜蓉粒，麵包都唔會太過硬 。
至於前菜軟殼蟹漢堡，軟殼蟹好大嚿，啲炸粉唔會太厚，但係超多肉 必食！
跟住到主菜，因為我哋嗌二人餐，所以有啤酒羊膝同埋紅酒牛肉加墨魚意大利飯 羊膝好腍，一切就骨肉分離又唔會好霉，有好香嘅羊味。另外跟住上嗰個薯蓉係番薯加薯仔，好唔錯嘅配搭！佢墨汁飯好creamy，超重墨汁味，好重芝士味，個汁睇落超級黑🤭，個飯入面有菇，洋蔥等等，個肉都好腍，唔使用刀切都得
朱古力香蕉奶昔兩種材料好平衡，唔會比朱古力味搶晒，士多啤梨藍莓奶昔都一樣好fresh，但我呢啲重口味人士會想佢再傑啲（？）
最後我哋另外叫咗心太軟配雲呢拿雪糕，講到明chocolate lava cake 唔lava 點得？佢就完全做到啦👍雲呢拿雪糕完美同朱古力配搭！
總括嚟講，超級推薦！
張貼