大瀛喜日本料理 (已改名) 查看

今日去到旺角食日式放題，日式放題依家開到一街都係，不過要搵到好食既都唔易，今日黎到呢間大瀛喜就真係高質，刺身新鮮，有不同類型既炸物、鍋物、熱食，飲品成大個櫃自己慢慢揀，日式食物外亦有其他不同既菜式，有簡單既中式食物，亦有不同類型既甜品、雪糕等等。先講下刺身方面，三文魚、吞拿魚、甜蝦一律都有，我自己就鍾意佢地既三文魚同帶子，好鮮甜，而且放係冰上面保持新鮮，放番十分鐘都唔成問題。之後要講既係牛肉鍋，湯鍋最適合依家食，湯底鮮甜，有好幾塊牛肉，加上豆腐、蔬菜等等，食完凍食再食個湯鍋就最好。最後要講既就係自助吧，飲品櫃好多選擇，有自家既冷泡茶，汽水，啤酒都有幾十款，小食，有中華沙律、枝豆、螺肉等等，另外有湯同甜品。