影片
更多
2019-07-25
166 瀏覽
朋友生日 想搵間好feel啲嘅餐廳食下 俾個好啲嘅回憶佢今次就嚟到金朝陽中心試下依間餐廳 一入到去滿滿嘅外國風情已經令人好陶醉加上佢位於中心嘅最頂層 只要坐靠近窗邊嘅位 就可以俯瞰一個無敵大海景 仲望到近中環嘅摩天輪 真係好寫意店員幫我地揀咗一個近窗位 仲好nice咁幫我地舖好餐巾 有咩menu上嘅問題佢地都會幫我地解答到，果然一間米芝連級餐廳係要集服務、環境、食物於一身👍🏻上菜前餐廳會先提供麵包 軟熟嘅法包配上濃濃嘅香草醬 令人有一試再試嘅衝動 真係停唔到手首先我地嗌咗一個lobster risotto 依個risotto真係充滿驚喜 上面不單只有一隻拆好殻嘅龍蝦 仲有濃郁嘅醬汁滲透每一粒米飯 賣相真係滿分龍蝦肉質彈牙 有口感不特止食落更係十分鮮甜Risotto嘅醬汁仍有滿滿嘅龍蝦鮮味 食落飯粒口感結實 佢仲加左小小西蘭花等等嘅配菜增加入口嘅質感依樣野係好有驚喜 因為佢係有別於街外嘅risotto 而且食落係真係有新口感扒方面我地今次就試咗個澳洲和牛 配菜方面我地就揀咗薯條食落入口依然係濃厚嘅炭烤味 雖然未至於入口即融 但係肉質軟嫩 口感依然十分細緻 唔需要加咩醬汁點綴 只要係原汁原
今次就嚟到金朝陽中心試下依間餐廳 一入到去滿滿嘅外國風情已經令人好陶醉
加上佢位於中心嘅最頂層 只要坐靠近窗邊嘅位 就可以俯瞰一個無敵大海景 仲望到近中環嘅摩天輪 真係好寫意
店員幫我地揀咗一個近窗位 仲好nice咁幫我地舖好餐巾 有咩menu上嘅問題佢地都會幫我地解答到，果然一間米芝連級餐廳係要集服務、環境、食物於一身👍🏻
上菜前餐廳會先提供麵包 軟熟嘅法包配上濃濃嘅香草醬
令人有一試再試嘅衝動 真係停唔到手
首先我地嗌咗一個lobster risotto
依個risotto真係充滿驚喜 上面不單只有一隻拆好殻嘅龍蝦 仲有濃郁嘅醬汁滲透每一粒米飯 賣相真係滿分
龍蝦肉質彈牙 有口感不特止食落更係十分鮮甜
Risotto嘅醬汁仍有滿滿嘅龍蝦鮮味 食落飯粒口感結實 佢仲加左小小西蘭花等等嘅配菜增加入口嘅質感
依樣野係好有驚喜 因為佢係有別於街外嘅risotto 而且食落係真係有新口感
扒方面我地今次就試咗個澳洲和牛 配菜方面我地就揀咗薯條
食落入口依然係濃厚嘅炭烤味 雖然未至於入口即融 但係肉質軟嫩 口感依然十分細緻
唔需要加咩醬汁點綴 只要係原汁原味嘅時候入口 就已經好岀色
薯條方面亦係熱辣辣咁上枱 加上黑松露蛋黃醬 真係令人回味無窮
即使凍咗都好 依然有滿滿嘅薯仔口味
飲品方面我地就嗌咗2杯mocktail試下 賣相真係好靚
其中1杯係sweet life
一入口係勁濃郁嘅果香味 好明顯由幾種水果調配岀 味道清新之餘更係甜而不膩
另1杯係tropical zesty 依杯係類似杯士多啤梨口味沙冰
不過唔同嘅係佢口感中不停有新鮮嘅士多啤梨果肉 而且每啖都滲有淡淡嘅牛奶味
放耐左吾會自動變硬冰 而係keep住咁沙咁綿
甜品方面就揀左sorbet
依個係一球白桃味嘅雪糕 但食落我覺得似雪芭嘅口感 硬身得黎吾易溶 相信係因為落足料 令白桃味洋溢係口中 真係可以用果味四溢黎形容
總括而言 依間係一間性價比好高嘅餐廳 如果一大班人黎聽講仲有vip房可以用 係店員好nice咁提我🤣👍🏻
張貼
