栢檔極品海南雞飯 (已結業)

今晚收工之後喺屋企附近食晚餐，先生提議食海南雞飯，我記得荃新天地有，我哋就去咗栢檔極品海南雞飯！我哋見到二人套餐相當豐富，而且有折，埋單二百蚊都不用，性價比極高！二人餐有湯或者飲品，半隻海南雞，一個主菜，油菜，小食，飯和雪米糍！先生好鍾意飲湯，點了一個中湯，我就點了檸檬水！粟米南瓜紅蘿蔔，加上豬骨，沒有味精，清甜又好味的湯！小食點了麻辣豬耳仔！不會太辣，麻香十足，注意好爽脆！開胃！主菜點了豬頸肉！海南雞的皮好爽口，皮下脂肪不多，不油膩，雞肉非常嫩滑，連雞胸肉都好滑！配搭雞油飯非常香！還有好驚喜的三碟醬料，分別是黑醬油，酸辣汁，蔥油！各有特色！豬頸肉又腍又入味！整體食物相當出色，價錢經濟，適合一家大細！