影片
更多
2023-04-02
23 瀏覽
呢幾日近清明毛毛細雨，天氣涼咗啲，突然間想食火鍋，行過女人街見到間新嘢，佢唔係地鋪，於是上去試吓。上到去未坐低已經見到遠處好多魚缸，有魚有蝦有飽魚，非常之吸引，睇吓menu有個午市特恵商務套餐，包括咗唔同海鮮、豚肉、安格斯牛肉、菜同丸類，另外我地加咗花甲、蟶子王。第一次試潮式滷水湯底，飲咗啖試下味，有滷水味，又唔會太鹹，幾香，專登點隻蛋，烚熟佢搣殼做滷水蛋，食落都ok。講番主角，海鮮好新鮮，蝦同蟶子王都仲郁緊，鮑魚、花甲同青口都夠哂大隻，魚有龍躉食，d海鮮烚落呢個特別湯底，帶出咗海鮮嘅鮮味又唔鹹，食落唔駛加調味，食落爽口彈牙新鮮。牛肉同豚肉冇太多多餘脂肪，牛肉有牛味。丸類有牛丸、貢丸、魚蛋、蝦丸四款。魚蛋爽口彈牙有魚味，牛丸爆汁夠牛味，貢丸有d似越南扎肉，蝦丸都係新鮮蝦味，呢度d丸偏向細粒，但全部真材實料，好好食。個餐仲包咗出前一丁，唔驚唔夠飽。除左烚下烚下之外，我哋仲叫咗兩個小食，係脆炸油炸鬼同即包炸雲吞。脆炸油炸鬼幾特別，已經開邊，烘至全脆，脆到好似餅乾咁，就咁食又得，放入湯底淥一淥又得 。即包炸雲吞上到枱見到隻隻脹卜卜好吸引，熱辣辣隔咗一陣食，外皮仍然香脆，入面有3隻完整大蝦，少
上到去未坐低已經見到遠處好多魚缸，有魚有蝦有飽魚，非常之吸引，睇吓menu有個午市特恵商務套餐，包括咗唔同海鮮、豚肉、安格斯牛肉、菜同丸類，另外我地加咗花甲、蟶子王。
第一次試潮式滷水湯底，飲咗啖試下味，有滷水味，又唔會太鹹，幾香，專登點隻蛋，烚熟佢搣殼做滷水蛋，食落都ok。
講番主角，海鮮好新鮮，蝦同蟶子王都仲郁緊，鮑魚、花甲同青口都夠哂大隻，魚有龍躉食，d海鮮烚落呢個特別湯底，帶出咗海鮮嘅鮮味又唔鹹，食落唔駛加調味，食落爽口彈牙新鮮。
牛肉同豚肉冇太多多餘脂肪，牛肉有牛味。
丸類有牛丸、貢丸、魚蛋、蝦丸四款。魚蛋爽口彈牙有魚味，牛丸爆汁夠牛味，貢丸有d似越南扎肉，蝦丸都係新鮮蝦味，呢度d丸偏向細粒，但全部真材實料，好好食。
個餐仲包咗出前一丁，唔驚唔夠飽。除左烚下烚下之外，我哋仲叫咗兩個小食，係脆炸油炸鬼同即包炸雲吞。
脆炸油炸鬼
幾特別，已經開邊，烘至全脆，脆到好似餅乾咁，就咁食又得，放入湯底淥一淥又得 。
即包炸雲吞
上到枱見到隻隻脹卜卜好吸引，熱辣辣隔咗一陣食，外皮仍然香脆，入面有3隻完整大蝦，少少肉，餡料既蝦肉彈牙。
個套餐包咗嘢飲，我點咗竹蓆茅根，朋友點咗蘋果雪梨水，係自家製，夠天然，仲有湯料響入邊。成個認真唔錯，呢個價錢食到咁正既真係值得。
張貼
