和田日本料理 (已結業)

今次係第二次食呢一間放題。相隔一個月，第二次的水準都Keep得幾好。食之前記得要Book位，唔係分分鐘要等一個鐘頭...食物種類十分多，有冷盤、刺身、熱食、串燒、炸物....仲有無限Refill雪糕!!首先介紹冷盤，圖中有中華沙律，八爪魚，青瓜沙律，螺肉。冷盤溫度唔太凍，味道唔錯。特別係青瓜沙律，蟹肉同魚子都幾多。沙律醬的味道唔錯，唔會太酸。之後呢一個係碗仔翅，食落都似街邊碗仔翅，不過就多料啲，可以一試。到刺身啦！我差唔多全部都有叫，甜蝦、三文魚係最正嘅。因為甜蝦味道鮮甜，而三文魚係魚腩部份，魚油特別多，十分香滑。跟著係燒三文魚，雖然同樣係三文魚，但燒嘅同生嘅係唔同食法。燒三文魚的香脆可口，肉質嫩滑。燒羊架都唔錯架，脂肪同肉比例一半，令羊架十分香口。焗蠔的味道都唔錯，但可能唔鍾意食芝士的人就未必啱食啦。吉列炸蝦！我嘅另一至愛，炸粉的份量唔多，可以食多幾隻都得~蝦肉都幾爽口，正！食咗咁多肉，叫返個炒雜菜中和一下，清清地咁都唔錯。仲有吉列蠔同炸雞翼，吉列蠔味道一般，無咩特別。反而炸雞翼炸得幾香脆，肉質仲幾嫩滑添。最後係甜品啦，雪糕任食！食到最後可以出去自己揀雪糕味道，有朱古力，綠茶，芒果.