Helfit Lifestyle Club (已結業)

朋友介紹北角呢間西餐廳環境好舒服侍應好有禮貌連大廚都會親自出嚟問我哋整得好唔好食啱唔啱心水有一種被尊重嘅感覺但最留下深刻印象嘅就係埋單嗰一刻因為真係好抵食冇諗過係呢個價錢有呢個水準黑松露忌廉湯黑松露超香啱曬我呢一個咁鍾意食黑松露嘅為食精 亞麻籽牛角包配會黑醋橄欖油幾特別搞到我食咗兩個包添主菜係鵝肝配牛柳鵝肝真係好食到冇朋友牛柳都要成為配角咁制牛柳呀唔係雪藏幾十年再用梳打水洗走浸雪藏味嘅 留意牛柳係冇咩汁嘅 完全唔需要靠果汁去令到塊牛柳有味因為發牛柳本身已經好有牛味牛柳五成熟啱啱好連配菜嘅筍都好好食 同埋我覺得係幾適合女仔食嘅因為每一道菜側邊都會有卡路里會比你知道你食咗幾多卡路里 咁你就知道又要再跑多幾多日步啦哈哈