KOKOMI (已結業)

星期六同家人晚飯，揀KOKOMI貪佢地方夠闊落舒服，啱曬一家人飯聚傾計。必點鐵板燒套餐，抵食夾大件。跟餐有麵豉湯同炒飯各一碗，湯夠熱夠濃，炒飯就一般唔夠惹味。鐵板燒份量足，燒得夠香同時juicy，配以柚子汁椰菜絲沙律，中和油膩感，正！加埋個沖繩涼瓜炒豚肉，裡面有蛋同豆腐，又健康又好味，年長屋企人都覺得好啱口味。最後竟然係甜品令餐飯扣分，椰子布甸同上次嚟食啖啖椰肉好大分別。今次椰肉得好少，幾乎羮羮都只得布甸，非常之漏，口感亦變得唔豐富，非常失望。但總括黎講，食物水準不俗，環境衛生舒適，仍然會有下次。