影片
更多
2024-09-01
309 瀏覽
呢兩日喺上環做嘢，行過見到依間買海南雞，就諗住入去食海南雞飯，唔使諗，快靚正！喺門口望一望先，我喺門口見到貼住外賣自取九折，仲喺度諗緊堂食定外賣之制，有個好好笑容既侍應，行出嚟同我打招呼，拉住我入去睇餐牌，真心佢真係好好笑容，搞到我都有啲唔好意思，即刻跟佢入去坐低，堂食，佢仲帶咗個濕紙巾俾我，抹汗！👍🏻我就問個侍應姐姐，肉骨茶係咩味？佢好有耐性甘答我，因為唔鍾藥材味嘅肉骨茶，結果我就點咗肉骨茶，都唔使5分鐘就送到我面前，打開個滿滿嘅白胡椒味，又可以湯撈飯，原來呢位姐姐問我使唔使多飯，仲拎左個細細碗嘅飯俾我，當相貼心，嗰下簡直係大滿足，我就係鍾意呢種港式嘅南洋味道！最後，侍應姐姐推介底下，我仲買咗半隻雞外賣添😋😋😋
張貼