So Bar (已結業)

尖沙咀食晚餐嘅選擇非常之多， 兩個麻甩佬真係唔知去邊度食好， 機緣巧合之下去咗呢一間蘇吧， 我哋坐咗喺路邊嘅半戶外區， 非常之有情調， 情侶過嚟真係冇得輸。​ 當我哋煩惱緊唔知食咩好嘅時候，waiter 熱情有禮， 向我哋耐心介紹。​ 小食先嚟個酥炸生蠔， 好明顯係新鮮生蠔所油炸， 生蠔鮮味，外層炸皮非常鬆化值得推介。 ​ 然後叫咗個燒春雞， 伴碟分別有黑醋沙律同薯角， 沙律真心覺得有驚喜， 他們所用的黑醋對配合得適宜。 燒春雞份量合適， 皮脆肉很鮮嫩， 可惜不是啖啖肉。​ 仲有個軟殼蟹飯， 真心推介， 新鮮軟殼蟹入口即溶，顯得食材的重要性， 西班牙飯用汁煮得非常入味， 每一啖都有 creamy 嘅感覺， 下次想試下佢其他嘅小食。​ 兩個男人仲點少得兩杯酒精飲品，Espresso tonic, 層次分明之靚， 混合一口飲， 另有一番滋味。​ 無論食物還是環境， 都是對得起這個價錢， 雖然不是大排檔價錢， 但絕對值得享受。