影片
更多
2023-01-21
51 瀏覽
平時銅鑼灣或者尖沙咀行街成日都見到呢間壽司好多人排隊 一直都知道呢間壽司店鋪容量比較少尖沙咀呢間只有八個位 所以今日難得經過尖沙咀唔太多人就決定試吓其實都有啲小貼心嘅位置 面積唔大所以後面長身都有衣架方便你掛起自己啲褸 然後枱底都有個掛鉤俾你放袋 QR code落單 見到價錢都幾親民 最平嘅有$10起跳已經可以叫到嘅壽司🍣火炙系列 $10-30 件火炙左口魚邊壽司，火炙三文魚壽司，火炙松葉蟹腳壽司，火炙白烏賊壽司，火炙牛油帶子壽司，火炙拖羅壽司🍣軍艦系列 $10-20件辣三文魚軍艦，三文魚子軍艦，芥辣八爪魚軍艦，芝士飛魚子軍艦🍣刺身系列珍寶赤蝦刺身，北海道帶子刺身🍣熱食系列櫻花蝦玉子燒，海老濃湯櫻花蝦烏冬整體來講，全部壽司都好新鮮，最特別係原來呢間嘅飯底全部都係有調味嘅 有別於一般嘅白色醋飯所以如果鍾意重味嘅人應該好鍾意 佢嘅飯有調味之後豉油都可以點少咗另外非常欣賞佢嘅火炙系列 尤其係左口魚同埋拖羅 火炙之後油香非常豐富 有啲可惜嘅係今次去到有好多款式已經賣晒冇得叫海膽試吓 唯有下次再去order!性價比非常高所以叫咗超級多嘢食🤣 有時夜晚唔知食咩好或者一個人想快速晚餐 呢度係一個好好
其實都有啲小貼心嘅位置 面積唔大所以後面長身都有衣架方便你掛起自己啲褸 然後枱底都有個掛鉤俾你放袋
QR code落單 見到價錢都幾親民 最平嘅有$10起跳已經可以叫到嘅壽司
🍣火炙系列 $10-30 件
火炙左口魚邊壽司，火炙三文魚壽司，火炙松葉蟹腳壽司，火炙白烏賊壽司，火炙牛油帶子壽司，火炙拖羅壽司
🍣軍艦系列 $10-20件
辣三文魚軍艦，三文魚子軍艦，芥辣八爪魚軍艦，芝士飛魚子軍艦
🍣刺身系列
珍寶赤蝦刺身，北海道帶子刺身
🍣熱食系列
櫻花蝦玉子燒，海老濃湯櫻花蝦烏冬
整體來講，全部壽司都好新鮮，最特別係原來呢間嘅飯底全部都係有調味嘅 有別於一般嘅白色醋飯
所以如果鍾意重味嘅人應該好鍾意 佢嘅飯有調味之後豉油都可以點少咗
另外非常欣賞佢嘅火炙系列 尤其係左口魚同埋拖羅 火炙之後油香非常豐富
有啲可惜嘅係今次去到有好多款式已經賣晒冇得叫海膽試吓 唯有下次再去order!
性價比非常高所以叫咗超級多嘢食🤣 有時夜晚唔知食咩好或者一個人想快速晚餐 呢度係一個好好嘅選擇
張貼
