Noodies (已結業)

上星期去開西環，諗住試新野啦，上OP見到個喇沙好似好正咁，咁知一搵地圖，離我身處地點有啲遠，就無去食。今日剛好又係西環，又肚餓，就係附近搵野食，諗住食阿元，點知佢renovation wow！望過對面就見到呢間之前想食既，即刻入去坐低同叫個喇沙。由於太餓，食，無影相。食物：完全唔係喇沙，點講好，由於我大肚，叫左小辣。個面一黎，就知lai 野，白色既？！好，唔好先入為主，飲啖湯先，湯底無蝦味，太清，唔係你食開果隻喇沙！勁失望！ 豆腐卜太硬，好似無煮咁，唔入味，無啦啦碗面有兩粒雲吞，見老公碗都有，應該係跟面送既，唔洗加錢，可惜入面只係豬肉，咩都無，實的的既豬肉餃，你唔會想食多次。同行老公叫左個無少辣喇沙，面既顏色係正常返，有辣油係面，橙橙地色。我試左一啖，辣啲，但湯底一樣。佢食食下就同我講，個烏冬未煮好（可以揀唔同面，佢要左烏冬），啲烏冬仲「痴」住一舊。店主同員工都好nice,可惜店主可能走fusion 掛，我真心唔識欣賞，改進空間大左啲囉。