扒房

營業中

休息中

今日來呢間餐廳，因為見到借景俾電視台，覺得環境幾靚，聽聞食物都有水準。set lunch 唔算貴，細細間餐廳真系幾好view，但唔係the one, isquare 嗰種居高臨下。食物方面，小食吞拿魚他他、頭盤選沙律、磨菇批，中規中矩，冇烹調凍食嘅嘢好難見真章。全餐最愛~麵包又暖又外脆內軟，好味到食晒，直情想追加…不過唔知幾錢呢主菜朋友選煎龍魚配蜆汁，魚皮煎得香口、肉質亦唔粗鞋，朋友話唔可以話極好…仍有進步空間。我加$100選肉眼扒，嗯，扒房食扒得確有質素保証，嫩滑兼夾肉味濃，冇得挑剔，唯一要話，就系細件咗啲囉～甜品唔食平$20，老虎蟹試埋，又系冇咩特別之作，冇太大驚喜，亦唔會令你失望嘅。估佢唔到最弊最弊，出錯在杯餐後tea，奶整熱咗，但茶凍，啤一聲，幾想叫佢換，但算啦～照飲。基本上，服務員都好殷勤，但中午全餐廳得兩個侍仔，唔想太煩人啫。