影片
更多
2009-10-19
9 瀏覽
每次到西貢，都必定會預留一餐(早餐、午餐或下午茶)到呢間咖啡店歎吓咖啡。還記得第一次…漫無目的走到遠離市中心少許嘅一條小巷，走得累了，想找個地方坐坐，附近嘅海鮮店唔啱feel，走番去市中心嘅coffee shop又好似少少遠，正想走回之際見到小巷中央有間別緻嘅咖啡店，太好了。雖然店內坐位不多，但環境好relax。平時飲開Starbucks較濃嘅咖啡，都比較難喺其他地方飲到有自己一定要求嘅咖啡。呢間隨緣試到嘅咖啡店就令我去完一次又一次(一家大細又好、三五知己又好，兩口子又好)。佢地煮嘅咖啡，確實非常用心，有認真鑽研過。今次揀咗個麵餐($38)，有一丁麵、一杯飲品同一個甜品。叫咗黑椒火鷄一丁麵、蜂蜜薑汁泡沫咖啡(+$7)、甜品係雪糕。雖然個麵餐好似同其他茶餐廳一樣，有一丁麵、有飲品、無甜品，廿幾蚊，但食物上枱嘅時候，就可以感受嗰份跟茶餐廳不一樣嘅認真。坦白講，一丁麵來來去去都係嗰個麵、嗰包味精粉，點都唔會俾你煮到好出神入化，但有無用心去煮就另外一回事。看來好基本，但(大)部份茶餐廳唔係無煎香啲餐肉就係一丁麵未煮好就上枱等你自己浸下先，好似預咗你食食吓自己都會淋咁，仲有啲連味精粉就咁放喺個麵
平時飲開Starbucks較濃嘅咖啡，都比較難喺其他地方飲到有自己一定要求嘅咖啡。呢間隨緣試到嘅咖啡店就令我去完一次又一次(一家大細又好、三五知己又好，兩口子又好)。佢地煮嘅咖啡，確實非常用心，有認真鑽研過。
今次揀咗個麵餐($38)，有一丁麵、一杯飲品同一個甜品。叫咗黑椒火鷄一丁麵、蜂蜜薑汁泡沫咖啡(+$7)、甜品係雪糕。雖然個麵餐好似同其他茶餐廳一樣，有一丁麵、有飲品、無甜品，廿幾蚊，但食物上枱嘅時候，就可以感受嗰份跟茶餐廳不一樣嘅認真。坦白講，一丁麵來來去去都係嗰個麵、嗰包味精粉，點都唔會俾你煮到好出神入化，但有無用心去煮就另外一回事。看來好基本，但(大)部份茶餐廳唔係無煎香啲餐肉就係一丁麵未煮好就上枱等你自己浸下先，好似預咗你食食吓自己都會淋咁，仲有啲連味精粉就咁放喺個麵底等你自己搞「暈」…呢碗麵，黑椒火鷄腸煎得好香，一丁麵軟硬適中。 就係咁簡單。
由於位置較市中心有一點距離，沒有市中心嗰種熱鬧嘈雜，確實可以悠閒地放鬆一下。
張貼
