影片
更多
2014-11-26
4707 瀏覽
假日冇事週街hea....茶癮起....見勁多人排隊就試下la ..因為好多人等位..決定一路等位一路tick點心...咁一坐低就有得食la 餐具係藍白配搭..好靚....一點都唔似中式茶樓..好似去左飲西茶咁 一坐低前菜有花生, 甜酸菜, 同齋腸仔, 甜酸菜爽口, 唔會太酸, 腸仔雖然淡但有咬口, 花生好香脆, 花生味香濃, 個前菜有少少辣辣地, 不過唔食得辣的人都食到, 越食越開胃, 好耐冇試過差唔多清左盤前菜 主菜到 叫左潮州煎芋茸綠茶粿, 煎藕餅, 菠蘿叉燒包, 鳳爪, 珍珠雞, 菜苗餃, 水晶包, 魚腐千層腐皮 同咖啡糕潮州煎芋茸綠茶粿 - 本來以為粿會較硬同好甜....但呢個好清, 皮薄, 食落軟冧冧, 芋茸又夠多, 不過可惜用的芋頭唔夠香, 同埋煎得較油膩菠蘿叉燒包 - 菠蘿皮好香..外脆內軟..皮薄餡靚煎藕餅 - 入面有一粒粒的蓮藕粒....唔同出面食開的藕餅, 呢款肉比較多, 蓮藕較少, 口感彈牙而唔爽, 不過肉調味好好, 雖然係煎但唔覺油膩 鳳爪, 菜苗餃 - 鳳爪唔會煮得太冧, 啱啱好, 有點咬口又不至于入口即爛, 可惜味道唔夠濃, 菜苗餃有別一般酒樓
餐具係藍白配搭..好靚....一點都唔似中式茶樓..好似去左飲西茶咁
一坐低前菜有花生, 甜酸菜, 同齋腸仔, 甜酸菜爽口, 唔會太酸, 腸仔雖然淡但有咬口, 花生好香脆, 花生味香濃, 個前菜有少少辣辣地, 不過唔食得辣的人都食到, 越食越開胃, 好耐冇試過差唔多清左盤前菜
主菜到 叫左潮州煎芋茸綠茶粿, 煎藕餅, 菠蘿叉燒包, 鳳爪, 珍珠雞, 菜苗餃, 水晶包, 魚腐千層腐皮 同咖啡糕
潮州煎芋茸綠茶粿 - 本來以為粿會較硬同好甜....但呢個好清, 皮薄, 食落軟冧冧, 芋茸又夠多, 不過可惜用的芋頭唔夠香, 同埋煎得較油膩
菠蘿叉燒包 - 菠蘿皮好香..外脆內軟..皮薄餡靚
煎藕餅 - 入面有一粒粒的蓮藕粒....唔同出面食開的藕餅, 呢款肉比較多, 蓮藕較少, 口感彈牙而唔爽, 不過肉調味好好, 雖然係煎但唔覺油膩
鳳爪, 菜苗餃 - 鳳爪唔會煮得太冧, 啱啱好, 有點咬口又不至于入口即爛, 可惜味道唔夠濃, 菜苗餃有別一般酒樓, 呢個係全菜的, 一粒肉都冇,好健康, 皮唔會痴牙, 厚度適中
珍珠雞 - 糯米香但唔會好痴牙, 有旦王同細細粒的蝦, 味道尚可, 唔會太乾
魚腐千層腐皮 - 係我的最愛...魚腐同腐皮一層夾一層..食得出魚的香味同腐皮的滑...個"獻"又唔會太濃, 清清地好似食緊老少平安咁.. 好健康
咖啡糕 - 第一啖入口好似飲緊雀巢個隻絲滑咖啡咁...味道好似...咖啡味好重...白色奶凍部份好幼滑...啡色啫喱部份就好爽
水晶包 - 有分蓮蓉同紅豆2個口味, 可惜個皮太硬, 蓮蓉同紅豆餡又太甜
去潮州酒樓最后一定唔少得功夫茶la...算係為啱啱食完的大餐消下滯都唔錯
張貼
