Brooklyn (已結業)

星期日下晝兩點幾嚟到，店內客人唔多，不過職員都唔多，所以响門口企咗好耐先安排到入座假日會有brunch set, 就點了兩個：先嚟頭盤: 煙三文魚沙律, 牛角包, 蘑菇湯&一舊'燒肉'個湯好Creamy, 沙律的三文魚略少&薄, 不過都好fresh, 牛角包好鬆軟, 嗰舊好似'燒肉'的好香口juicy.揀咗呢個燒牛仔肉主菜, 有勁多薯條墊底, 牛仔肉好林, 燒到好香好入味, 啲薯條仲正, 炸得香脆兼加咗啲香粉, 好惹味另外點咗呢個黑松露意大利飯, 飯身煙靱, 個汁啱啱好, 加埋黑松露的香, 正可能因為兩點幾先嚟,客人唔多, 餐廳有自然光, 好有假日feel, 食得好relax~