影片
更多
2014-05-08
1874 瀏覽
今日小弟跟友人由鄉村（新界）去大城（港島）閒逛銅鑼灣，見識見識之後膽粗粗學人寫份食評，踏上食評家之路（笑）友人上次參加這餐廳協辦之speed dating活動後，對餐廳的甜品大讚，極力邀約我和另一位朋友黎銅鑼灣試下其他食物。我地三人一出口，迎面就係一堆堆笑臉，唔係侍應生一早係口等我地，而一幅係貼滿即影即有相片的黑板，相中客人都是來為親密好友興生，每張照片都令我感受到餐廳對每位客人照顧周到。入到餐廳內裡卻有小小失望感，大吊燈的裝飾在夜裡是一耀眼的點綴， 及大玻璃窗外牆可飽覽窗外大街夜景，但在大白天的時間卻沒有點點用，而且內部沒有其他特別的裝修或飾品，只能以一句作總結，整齊乾淨。廢話好似多了點，直接跳到食物吧！（謎之聲說）餐廳在午市時段提供一份6款的午市套餐供客人選擇。套餐只包是日餐湯，主菜及餐茶，如果覺得唔夠食亦可另外加頭盤和甜品。我地三人各自點了不同的菜式分享滋味。 頭盤 - 我地加錢order 左2款試一試。Caesar Salad 凱撒沙律(+$38)三分一的羅文生菜 配上廚師自製的Caesar 醬及少許火腿碎和面包粒 精緻又美觀凱撒沙律精髓在於: 沙律汁和很新鮮的菜，而廚師也
我地三人一出口，迎面就係一堆堆笑臉，唔係侍應生一早係口等我地，而一幅係貼滿即影即有相片的黑板，相中客人都是來為親密好友興生，每張照片都令我感受到餐廳對每位客人照顧周到。入到餐廳內裡卻有小小失望感，大吊燈的裝飾在夜裡是一耀眼的點綴， 及大玻璃窗外牆可飽覽窗外大街夜景，但在大白天的時間卻沒有點點用，而且內部沒有其他特別的裝修或飾品，只能以一句作總結，整齊乾淨。
廢話好似多了點，直接跳到食物吧！（謎之聲說）
餐廳在午市時段提供一份6款的午市套餐供客人選擇。套餐只包是日餐湯，主菜及餐茶，如果覺得唔夠食亦可另外加頭盤和甜品。
我地三人各自點了不同的菜式分享滋味。 頭盤 - 我地加錢order 左2款試一試。
Caesar Salad 凱撒沙律(+$38)
三分一的羅文生菜 配上廚師自製的Caesar 醬及少許火腿碎和面包粒 精緻又美觀凱撒沙律精髓在於: 沙律汁和很新鮮的菜，而廚師也處理得恰到好處，
咸咸酸酸的味道十分適合作為一道係夏日食用的開胃菜，讚!!
Pan-fried Foie Gras 香煎法國鵝肝(+$68)
厚身肥美的鵝肝配上一塊香脆的多士，奪目的配搭，多士吸收左鵝肝的油分使其也更有味道但本人不太喜好鵝肝，所以並沒有細嘗，反而那塊多士更合我意。
是日餐湯 Soup of the Day (意大利雜菜湯)
聽侍應講其實餐廳會不停地轉換他們的是日餐湯，款式也有不少，但意大利雜菜湯是他們唯一的紅湯(非忌廉湯類)集合不同的蔬菜及濃郁的蕃茄味，令人食慾大增，更期待接下來的主菜。Risotto of Spinach with Salmon 三文魚菠菜意大利飯（$88）
平時好少會見到綠色的意大利飯，友人和我都覺得好新奇(真正鄉下仔就係我地)，意大利飯配上菠菜茸一起炒係健康層面上更顯Organic，而中間有一個溫泉蛋，篤穿左流出的蛋黃使意大利飯更滑口。
唯一缺點就是三文魚 無疑三文魚跟意大利飯係一個無敵配搭，但處理手法我有少少不敢苟同，因為三文魚切成正方體，不易入口之餘，食時有飯同魚分開食的感覺
BBQ Baby Pork Ribs 醬燒豬肋骨（$98)
肉食獸的我地今日最期待的食物，雖然份量唔能夠滿足到我地 但質量超ok 油嫩我排骨燒到入口即化 加上面層的BBQ 燒汁 野味Pan - Fried Barraminai Fillet with Champagne Cream Sauce 香煎銀鰽魚柳伴香檳忌廉汁 （$108）
其實講真都有有令我地失望 一塊睇落有魚柳配一團薯蓉 分不清誰是主角誰是配角 一個小小敗筆 但味道卻令人喜出望外 尤其配上那個香檳忌廉汁令整個菜式起死回生 最衰佢地講個醬汁係秘製唔外傳 唔係淨係個汁都可以撈飯食最最最最……期待的時光終於來臨 今日的的終極目的 - 甜品
Cream Brulee 焦糖燉蛋($20)
一片簡單的焦糖面要有一定的硬度、色澤及厚度 都係廚師工架的表現 看圖就知道冇花假 但小小失誤係蛋底有d凍 有向侍應問過 但佢話佢地一貫係咁 如果想要暖身嘅要事先要求
Chocolate Parfit 朱古力芭菲 （+30）
芭菲其實係咩 真係唔清楚 上網查過之後發覺同餐廳的原來好唔同 概括講小小哩個一種凍食同埋係雜匯（即溝埋好多野） 但一定係杯裝出 而餐廳的芭菲係用左幾種唔同的朱古力粉匯合一齊再冷卻成形 好有心思又創新 味道中亦帶有小小酒味中和朱古力的苦澀 Parfait(法語：完美)店員仲話將杯熱朱古力醬淋落去面層塊朱古力片到 有時會出現溶化形象 凹落去 但哩個情形係可遇不可求嘅 今次我地見唔到 下次再挑戰過
題外話/補充資料：
上餐時間有點拖長左，假期還可以接受，但若是上班一族的話反而有礙，望改進。
(以上食評乃用戶個人意見 , 並不代表OpenRice之觀點。)
張貼
