LIFETASTIC Patisserie (新城市廣場一期) (已搬遷) 新店位置

原本约咗朋友喺呢間店坐吓，食件蛋糕，飲杯嘢。朋友臨時改地㸃，唯有回家前去買兩件蛋糕外賣返屋企食，以解心瘾。買咗1件招牌草莓西瓜蛋糕, 另外1件朱古力香蕉蛋糕。 首先食件淡味d嘅招牌草苺西瓜蛋糕，西瓜當然係主角之一， 放置在蛋糕中間， 更用上洛神花加入草莓做成果凍，杏仁餅底，配上玫瑰味忌廉等, 一層一層鋪疊起來。 食起來會有西瓜嘅清爽， 果凍嘅Q彈， 忌廉嘅滑，加上杏仁餅底。但對我嗜甜嘅人來講，味道始终偏淡。 跟住再食朱古力香蕉蛋糕。朱古力海綿蛋糕底，鋪上香蕉加朱古力Mousse, 頂層加多層焦糖Mousse ｡朱古力經常會配上香蕉呢種生果，是相當match 嘅配搭。食起來, 朱古力有㸃不足，但質地鬆軟，味道會較西瓜蛋糕甜。呢到部份蛋糕會以麩質, 生銅, 素食為賣點之一。 對一些想吃蛋糕， 但又想食得較為健康嘅人來講， 會是一個不錯嘅選擇。