八方台式麵屋 (新都城中心二期)

營業中

休息中

已經2年無去旅行啦，早幾日行商場先知原來有間台式餐廳。見到有啲套餐都幾抵，一於入去試下。台灣肉燥麵 （$64）韮菜鍋貼原味鮮豆乳肉燥麵係乾拌麵，肉燥係切粒嘅半肥瘦豬肉。好入味，最正係入口即溶。而味道又夠濃，送麵一流。伴碟嘅菜可以再淋小小就更加好。韮菜鍋貼有驚喜，煎得好香口原味鮮豆乳係包裝好拎上嚟，感覺方便衛生。台灣牛肉麵 （蕃茄湯底）$92小食揀咗炸花枝丸飲品就芋圓奶茶牛肉麵揀咗蕃茄湯底，估唔到又幾夾。有成個蕃茄，一啲都唔馬虎。牛肉好淋，又香牛肉味。麵煮得啱啱好，推介呢個麵！花枝丸表面灑咗味粉，十分惹味。芋圓奶茶好有咬口，正。而家去唔到台灣，嚟呢到食下嘢止下引都不錯！