Ann MaMa Thai Restaurant

營業中

休息中

好少寫食評會唔講食物，講環境，我只能說佢食物真係幾好食，所以我都重複去咗兩三次。但有啲令我卻步嘅係佢一直都打開道門，好明顯就係想慳返啲冷氣錢等自然風入嚟，老實講秋天我覺得冇問題，但係冬天好凍嘅時候真係搞唔掂，尤其是坐近門口嗰幾張枱，我一路坐嘅時候見到門口嗰幾張枱啲客係咁轉位去入少少。其實啲員工都知道啲客覺得凍同大風，都唔肯閂嗰道門，好心你哋有心做就唔好慳嗰啲錢，你擺得幾張枱近門口，但係嗰幾張枱又冇客肯坐，其實有乜意思？搞到我一路食嘢一路凍到震，問個員工可唔可以閂門，佢又話公司話唔可以。老細唔喺度我都費事為難佢哋。希望老細睇到呢個食評反思一下，間餐廳除咗食物，服務同環境都好緊要。