大樹燒烤 (已結業)

試咗喺尖沙咀厚福街H8 12樓嘅大樹燒烤，佢哋嘅燒烤菜式多種多樣，有肉有菜有海鮮。比較有記憶點嘅有佢哋嘅新疆羊肉串、秘製豬頸肉、汁燒雜肉串、紐西蘭羊骨扒、麻辣鴨血枌絲、即開即燒大扇貝、多春魚同千葉豆腐。新疆羊肉串真係不錯，那度嘅羊肉串肉質鮮嫩多汁，燒得剛剛好，帶有獨特嘅香料味道，真係好好味，令人食到停唔住口。秘製豬頸肉亦都值得一試。豬頸肉切得薄厚適中，偏肥，燒得恰到好處，肉質嫩滑。汁燒雜肉串都好食，雞肉香嫩，淋上特調醬汁，味道鮮美，多汁多味。紐西蘭羊骨扒亦都係一個必試嘅菜式。羊骨扒肉質豐腴，燒烤得恰到好處，帶有微妙嘅炭燒香氣，有羊味但唔會好酥，調味幾重。辣味愛好者可以試下佢哋嘅麻辣鴨血枌絲。鴨血粉絲燒得香脆，配上辣椒醬汁，辣味十足，令人垂涎欲滴。鴨血份量唔少，食極都有，幾惹味。另外，即開即燒大扇貝同多春魚都係不容錯過嘅燒烤選擇。大扇貝新鮮肥美，即開即燒，賣相誘人，而多春魚燒得酥脆，咬落去有聲，香氣四溢。最後，千葉豆腐好好食。豆腐滑嫩，配上特製醬汁，清爽又美味。如果你中意食台灣嘅百葉豆腐，一定要食，encore 食咗6串。總括而言，大樹燒烤喺尖沙咀係一個食得開心嘅地方。多款選擇任你揀，環