影片
更多
2021-08-24
887 瀏覽
餐廳喺和富中心附近，糖水道公園對面。望落似家庭式小店，但食過之後，發覺食物質素完全唔會令人失望。 佢主打雞煲及魚鍋，而且有好多款小炒選擇，即使唔食比較重口味既煲都仲有好多菜式揀。今晚就叫左個小炒，烤魚，再加啲火鍋配料。 什菌炒牛頸脊 夥記極力推介，算係佢哋嘅招牌菜，好多客都會叫。炒得好有鑊氣，牛頸脊唔會太淋或太韌，亦唔會好肥膩，又有口感又有牛味。配合個甜甜地醬既汁，同牛肉嘅味道好夾。必食! 烤魚 鱸魚先烤過，再放上個煲內，用細火慢慢坐熱，而啲香料，辣椒等就慢慢煲啲味出黎，越食越惹味。今次叫咗小小辣，唔太辣之餘又好開胃。 途中夥記見到個煲冇乜湯時會主動加湯，抵讚。 個煲夠哂足料，愈滾愈有味，但食到後期覺得鹹左少少，就叫夥記幫手加清水。魚食得七七八八，就開始淥其他火鍋配料。 配料叫左鮮魚片，炸魚皮，蟹柳，豬頸肉同唐生菜。 魚片大大碟又大大塊，爽滑又新鮮。朋友本身唔太中意食魚都話好食。 炸魚皮上嘅時候仲暖暖哋，大大塊好完整，食落脆卜卜。聽聞係自家製，所以唔會好似出面現成買咁厚粉同重味精。 蟹柳好滑，唔似平時火鍋店食開既普通料。 豬頸肉都爽口，但未至於有驚喜。 鄰近嘅食客都似
佢主打雞煲及魚鍋，而且有好多款小炒選擇，即使唔食比較重口味既煲都仲有好多菜式揀。今晚就叫左個小炒，烤魚，再加啲火鍋配料。
21 瀏覽
0 讚好
0 留言
什菌炒牛頸脊
夥記極力推介，算係佢哋嘅招牌菜，好多客都會叫。炒得好有鑊氣，牛頸脊唔會太淋或太韌，亦唔會好肥膩，又有口感又有牛味。配合個甜甜地醬既汁，同牛肉嘅味道好夾。必食!
20 瀏覽
0 讚好
0 留言
烤魚
鱸魚先烤過，再放上個煲內，用細火慢慢坐熱，而啲香料，辣椒等就慢慢煲啲味出黎，越食越惹味。今次叫咗小小辣，唔太辣之餘又好開胃。
途中夥記見到個煲冇乜湯時會主動加湯，抵讚。
個煲夠哂足料，愈滾愈有味，但食到後期覺得鹹左少少，就叫夥記幫手加清水。魚食得七七八八，就開始淥其他火鍋配料。
配料叫左鮮魚片，炸魚皮，蟹柳，豬頸肉同唐生菜。
17 瀏覽
0 讚好
0 留言
18 瀏覽
0 讚好
0 留言
魚片大大碟又大大塊，爽滑又新鮮。朋友本身唔太中意食魚都話好食。
13 瀏覽
0 讚好
0 留言
炸魚皮上嘅時候仲暖暖哋，大大塊好完整，食落脆卜卜。聽聞係自家製，所以唔會好似出面現成買咁厚粉同重味精。
11 瀏覽
0 讚好
0 留言
蟹柳好滑，唔似平時火鍋店食開既普通料。
16 瀏覽
0 讚好
0 留言
豬頸肉都爽口，但未至於有驚喜。
13 瀏覽
0 讚好
0 留言
鄰近嘅食客都似係熟客仔，同夥記有講有笑，相信師傅啲出品同小店既人情味都留得住客人。
整體黎講幾好食，尤其是炒牛頸脊同烤魚。下次有機會試埋其他小炒同雞煲先。
張貼
