人和月雞煲火鍋店 (已結業)

雞煲係香港人既最愛，聽朋友推介位於尖沙咀既人和月雞煲，喺海港城附近，岩哂shopping完去大涮一番！首先食左個bb辣的雞煲，雖然自己唔食得辣，但雞煲一定要少少辣先過癮，香味濃郁，雞肉入味～呢個套餐有海鮮拼盤同牛肉拼盤，海鮮有鮑魚、元貝、海蝦，食落都幾新鮮～另外和牛拼盤有不同部位既牛，我自己就最喜歡M4和牛同安格斯牛小排，肉味較重！另外其他野食都幾豐富，叫左水魷、鴨血呢啲平時出面少見，常見既蝦滑、墨魚滑都有，冰鮮廣島蠔亦都唔錯！飲品方面除咗有自家製嘅菊花蜜、洛神花蜜之外，呢度啲汽水仲要係樽裝，樽裝汽水係比起罐裝汽水好飲好多！甜品方面，除咗雪糕之外仲有得食豆腐花，豆腐花幾滑，值得一讚！